بسم الله الرحمن الرحيم
اخواني الكرام
السلام عليكم ورحمة الله وبركاتة

رحت للبنك الاهلي(فرع الربوه) لفتح حساب ,, المهم اول مارحت كان شوي زحمه واصف سرا وانتظر لين يجيك الدور ومن العصر حتى قبل اذان العشا بشوي ووصلني الدور وقلت ابغى افتح حساب ,, المهم قال تعال بعد اسبوع
واجي بعد اسبوع واصف من العصر الى قبل اذان العشا بربع ساعه ويوصلني الدور ويقولي الموظف معليش تعال بكره ,, قلت ياخي انا ماسك سرا وتعبان وتقولي كذا ,, قال هذا النظام
واجي بكره,, ونفس الحكايه اصف سرا بس هالمره ابشركم وصلني الدور قبل اذان العشا بنص ساعه
وافتح لي حساب وقال انتظر لين توصلك البطاقة على البريد واذا وصلتك تعال عشان تحط الرقم السري وانتظر شهر واخيرا وصلت البطاقة واول ماوصلت البطاقة واروح لهم ,, وكالعاده امسك سرا لين يجيك الدور ,, ووصلني الدور ووضعت الرقم السري,, قلت للموظف ابغى افتح لي خدمة الهاتف المصرفي قال تعال بكره ,, قلت ياخي اذا تقدر الحين ليش تخليني اجي بكره قال خلاص تعال بكره ولاتصف سرا ,, قلت ابشر واجي من بكره واجيه قال صف امسك سرا ,, وامسك سرا كالعاده ويوم جا دوري ويعطيني ورقه ويقول عب البيانات وتعال بكره :s وعلى هالحال لين فتح لي خدمة الهاتف المصرفي ,, وقلت له ياخي ابغى افتح محفظه ويقولي مافيه اوراق ماعندنا ,, وكل يوم اجيهم اشوف وصلهم ولا لا وماوصلهم ,, المهم واروح لبنك الاهلي احد الفروع القريبه (فرع الملز)واخذ منهم ورقة طلب فتح محفظه واخيرا فتحوها لي بعد عناء ,, ساهمت طبعا وكان حسابي اقل من 5000 ولاحظت انه كل شهر ياخذون 10ريال واتصل عليهم استفسر قالوا اذا حسابك اقل من 5000ناخذ شهريا 10 ريال !!
واستطاعوا انهم يسحبون مني 120ريال ,, طيب ليه ياخذون 10 على الاقل يصيرون مثل الراجحي ,, اذا قل الرصيد عن 1000 يسحبون ريالين ونصف ,, هذا غير التحويل اللي تتعقد عشان تحول لو تحول لحساب غير الاهلي لازم تتصل عليهم وتضيف عميل ويتأخر المبلغ ما يوصله بعكس الراجحي ,, عموما هذا اللي صار والسلام عليكم

سليمان